​សមាជិក​ក្រុម​Big Bang ​លោក ​ថេ​យ៉ាង​បាន​បង្ហោះ​រូប​នៅលើ​គេហទំព័រ​Twitter​ ជាមួយ​G-Dragon​ដែល​មើល​ទៅ​ពួកគេ​ធ្វើ​បាន​ល្អ​ចំពោះ​ការ​ប្រគំ​តន្ត្រី​របស់​ពួកគេ​ព្រម​ទាំង​ការ​តុបតែង​បាន​យ៉ាង​សង្ហា​នូវ​ស្តាយ៍​ទាន់សម័យ​របស់​ពួកគេ​នៅ​L.A​សហរដ្ឋអាមេរិក​។​

​រូប​ដែល​ពួកគេ​បង្ហោះ​នោះ​មាន​ចំណងជើង​ថា​«In STAMPD LA»​ដោយ​អ្នកចំរៀង​ទាំង​២​នាក់​នេះ​ស្លៀក​សំលៀកបំពាក់ ពណ៌​ខ្មៅ​ទាំងអស់ និង​បង្ហាញ​ពីអ្វី​ទៅ​ហៅថា​ម៉ូតូ​ទាន់សម័យ​និង​ជា​ចំណាប់អារម្មណ៍​ពី​សំណាក់​ទស្សនិកជន​។​G-Dragon មើលទៅ​មាន​ស្តាយ៍​ដូចជា​ការ​បែក​ផ្កាភ្លើង​ជាមួយ​មួក​ឆ្លាក់​របស់គេ​ចំណែកឯ ថេ​យ៉ាង រើសយក​ស្តាយ៍​ដែល​មើលទៅ​បែប​ហី​ប​ហប​ច្រើន​។​

​អ្នកលេង​អ៊ី​ន​ធឺ​ណែ​ត​ដែល​បានឃើញ​រូប​ដែល​ពួកគេ​បង្ហោះ​នោះ​ក៏បាន​បញ្ចេញមតិ​ថា​«​ពេលដែល​មើលទៅ​ពួកគេ កំពស់​ពួកគេ មិនមែនជា​បញ្ហា​ទេ​» «​ពួកគេ​មើលទៅ​ស្អាត​» «​សូម​ឲ្យ​មាន​សុខ​ភាពល្អ​ពេលដែល​ស្នាក់នៅ​សហរដ្ឋអាមេរិក​»​។​

​គួរ​បញ្ជាក់ថា​ក្រុម​Big Bang បាន​សម្ដែង​ការប្រគំ​តន្ត្រី​«ALive Galaxy Tour 2012»​របស់​ពួកគេ​នៅ​សហរដ្ឋអាមេរិក​តាំងពី​ថ្ងៃទី​២​ខែវិច្ឆិកា​ឆ្នាំ​២០១២​កន្លងមកនេះ​។​ការធ្វើដំណើរ​ទូទាំង​សកលលោក​នេះ​ផងដែរ​នឹងមាន​ការប្រគំ​តន្ត្រី​ចំនួន​២៥​ទីក្រុង​ក្នុងប្រទេស​១៦​ផ្សេងៗ​គ្នា​៕